Volume 1 No. 1

Sugod karon, ang atong PASAR Employees’ Multi-purpose Cooperative o PEMC magpagawas ug mga mahinungdanon mga impormasyon para sa atong mga miyembro aron masabtan o malamdagan sa mga polisiya o ubang kalihukan sa atong kooperatiba.

Unahon nato ang mga serbisyo nga gihatag sa atong PEMC.

MGA SERBISYO SA PEMC:

Ambit ni: Paz D. Joseph

1.      Unsa ang mga Serbisyo sa PEMC?

Mao kini ang mga serbisyo sa PEMC: Pautang ug kwarta, Tindahan, E-load, Manpower supply, Savings deposit, Bowling, ug Duplicating machine ug Scanning Services.

2.      Unsa ang mga klase nga pautang anaa ang PEMC?

Aduna kitay Providential, Petty Cash, Educational, Appliance, Emergency, Insurance, Expanded, Paluwagan (13^th Month) ug Short-Term Loan (STL).

3.      Pila man sad ang interest o tubo niini?

1% lamang matag quincena o 12% matag tuig.

4.      Pila ka mga sanga ug asa nahimutang ang mga tindahan sa PEMC?

Sa pagkakaron aduna na kita’y tulo ka mga sanga sa tindahan gawas sa Purok 3 Libertad. Kini sila nahimutang sa PASAR Parking Area (PPA), Merkado sa Isabel ug sa LIDE Club House o PASAR Bowling Lanes sa Staff House.

5.      Unsa nga oras mag-abli ang tindahan?

Libertad – 9:00-12:00 sa buntag ug 1:00-6:00 sa hapon.

Isabel Merkado – 9:00-12:00 sa buntag ug 1:00-6:00 sa hapon (Lunes–Sabado)

7:00-12:00 sa buntag ug 1:00-4:00 sa hapon kada Domingo.

PPA –  9:10-11:00 sa buntag ug 12:00-6:00 sa hapon (Lunes-Sabado)

PASAR Bowling Lanes – Alas dos sa hapon hangtod alas diyes sa gabii (Martes–Domingo)

           

6.      Unsang orasa ang opisina mangabli ug manira?

Ang opisina sa PEMC abli gikan 8:00-12:00 sa buntag ug 1:00-5:30 sa hapon adlaw nga Lunes hangtod Sabado. Walay opisina matag Domingo o Holiday.

  

7.      Unsa man nga mga petsaha nga gitawag ug Open Bali o Open Payroll?

Kada petsa 4 ug 19 sa bulan. Kon kini natumong sa adalw nga Domingo o holiday pagabuhaton sa dili pa ang maong petsa. (Ex. Pitsa 4 – Domingo ari sa pitsa 3 pagabuhaton ang open payroll).  Ang bayad sa 4 ngadto sa sweldo sa 30/31 samtang ang bayad sa 19 didto sa petsa 15 sa sunod bulan.

KATUNGDANAN UG RESPONSIBILIDAD SA MGA MIYEMBRO:

Ambit ni: Vabby Payod

P:    Unsa ang duha ka matang nga miyembro sa Coop?

T:     Kini mao ang Regular Member ug ang Associate Member

P:    Unsa ang kalainan sa duha ka matang nga miyembro?

T:     Ang regular nga miyembro mao ang nakatuman sa tanang rekisitos ug makapahimulos sa tanan nga katungod ug pribilihiyo isip miyembro.

   Ang associate nga miyembro mao ang walay katungod mo butar ug dili pud mabutaran ug hinoun makapahimulos sakatungod ug pribilihiyo tukma sa pamalaod sa kooperatiba.

P:    Kinsa man ang may katungod sa pag-aprobar o pagbalibad sa aplikasyon sa usa ka gusto mahimong miyembero?

T:     Ang BOD ang adunay bugtong gahum sa pag-aprobar kung si kinsa man ugaling ang gusting mamahimong miyembero sa kooperatiba.

P:    Kung ugaling balibaran sa pagpamiyembro ang usa ka aplikante, asa man ipadangat ang ilang reklamo?

T:     Ang apela sa maong aplikante adto ipadanagat sa katibuk-ang hugpong sa mga miyembero nga pagahimoun makausa sa usa ka tuig.

P:    Hangtud asa ang tulubagon sa mga miyembro?

T:     Ang tulubagon sa mga miyembro sangko hangtud ngadto sa mga utang sa kooperatiba ug sa iyang kontribusyon sa kooperatiba pinaagi sa share capital ug sa laing pulong fixed deposit.

ARTIKULO III - SANGON

Ang katuyoan sa Kooperatiba mao ang pagpaanindot sa kalidad sa kinabuhi sa miyembro ug ang dugang tinguha mao ang:

1.       Makadangat ug dugang kinitaan, tinigum, puhunan ug makab ot ang kaigmat sa paggasto ug pagdasig sa mga miyembro sa makiangayon nga pag apod-apod sa igong kita pinaagi sa pagdaginot ug ang pag angay-angay sa gasto ug risgo.

2.    Paghatag ug pinakamaayo nga katilingbanon ug ekonomikanhong benepisyo sa iyang mga miyembro.

3.    Pagtudlo sa mga miyembro ug arang nga kinaiya pinasubay sa kooperatibong pamaagi.

4.  Pag ugmad sa mga kalihukang kooperatiba ug bag ong pamaagi sa pagpadagan ug pagdumala sa negosyo.

5.    Paghatag ug kahigayonan sa mga gagmay nga negosyante ug mag uuma nga makaangkon ug bahin o makatagamtam sa bahandi ning Nasud.

6.    Sa pag abag sa Gobyerno. Ang mga kooperatiba ug kapunungan sa katawhan local man o naggikan sa laing nasud kinahanglang magkahiusa sa paglambo sa pamaaging Kooperatiba para sa usa ka matunhayong pag ugmad sa ekonomiya diha sa usa ka makiangayon ug gawasnon nga sosyodad.

7.    Mag ila sa lig on nga pamaagi sa pagpalambo ug pundo ug kapital aron mapadayon ang negosyo ug kaugmaran aron sa kanunay mahatag ngadto sa iyang mga miyembro, sa ilang pamilya ug ngadto sa kumunidad ang pinakamaayo nga ekonomikanhong benepisyo.    

8.    Pag implementar sa mga kinaiya sa pagpadagan sa kooperatiba diin mapasiguro ang walay paglipud-lipud, makiangayon nga pakig ambit sa mga kaayohan ug serbisyo ug pagtubag ug paghatag katagbawan sa mga panginahanglan sa mga miyembro.

9.    Pagsagop ug uban pang mga plano nga makatabang  sa  pag ugmad  ug  pagtunhay   sa kaayohan sa mga miyembro, ilang pamilya ug sa kumunidad. 

(Ambit ni: Jerry Ocio)

ARTIKULO II - KATOYOAN

Ang Artikolo 2 sa gi-usab nga Mga Artikolo sa Kooperatiba sa PASAR Employees’ Multi-purpose Cooperative (PEMC) naghisgot sa mga katuyoan sa pag-organisar sa maong Kooperatiba. Ang mga katuyuan mao kining mosunod:

1.       Aron pag negosyo sa pagpahulam (lending), groseriya (groceries), serbisyo sa pagsangkap og mga tawo (manpower services) ug pagkopya ug mga papeles (reproduction services), pagpaabang ug mga gamit ug himan (tools and equipment rentals), Bowling Lanes ug Savings Deposits.

2.       Aron pagtudlo sa mga miembro:

a.       Sa kinaiya sa pagdaginot para makapundo ug puhunan.

b.      Sa pag-uswag sa ilang pagbayad sa ilang mga balayranan / hulam / utang sa hustong panahon.

3.    Aron sa pagtudlo sa mga direktor, mga miembro sa mga komite, mga opisyales, mga empleyado ug mga miembro ingon man sa kadaghanan:

a.       Ang kinaiya, konsepto, pilospiya ug mga gimbuhaton sa kooperatiba;

b.      Ang mga sukaranan sa panalapi ug sa pagdumala sa mga kawani ug negosyo.

4.    Aron sa pagtugot ug pahulam alang sa mga miembro para sa mabungahon ug makalipang nga mga katuyuan;

5.    Aron sa paghatag ug dekalidad nga mga groseriya, serbisyo ug ubang nga panginahanglan sa mga miembro diha sa makatarunganong presyo;

6.    Aron sa pagpausbaw ug pagpauswag sa ekonomikanhon, katilingbanon ug makinaadmanon nga kahimtang sa mga miembro;

7.    Aron sa pagbuhat ug mga tinuyong mga gimbuhaton aron pagtabang sa mga miembro sa pagsulbad sa ilang mga problema pinabasi sa kooperatiba;

8.    Aron pagtambayayong:

a.       Sa Kagamhanan sa Pilipinas ug sa iyang mga ahensiya sa pagtuman sa mga palisiya sa gobierno.

b.      Sa laing mga kooperatiba sa pagtukod ug unyon sa mga kooperatiba nga panglalawigan, pangregiyunal ug nasudnon kansang mga katuyuan nahisama sa mga katuyuan niining Kooperatiba ug aron mahimong miembro sa maong unyon sa mga kooperatiba nga matukod unya damlag; ug

9.    Aron sa pagbuhat ug mga susamang mga gimbuhaton alang sa kinakaugalingong pagdumala sa mga miembro, mauswagon nga katilingbanon ug ekonomikanhong kahimtang ubos sa matinud-anon ug demokratikong katilingban.

(Ambit ni: Romy Verallo)